ശബ്ദങ്ങള്ക്കും ചലനങ്ങള്ക്കും അപ്പുറത്തൊരു ഭാഷയുണ്ട് സൗഹൃദത്തിന്.
പരസ്പരം ഏറ്റുവാങ്ങപ്പെടുന്ന നിശ്ശബ്ദതരംഗങ്ങളായി അത് സംക്രമിക്കുന്നു. എത്രയെത്ര സൗഹൃദങ്ങളുടെ പുറംമോടികള്ക്കിടയിലേക്കാണ് അവള് എന്റെ പ്രിയകൂട്ടുകാരിയായി കടന്നുവന്നത്. ഇടവേളകളില്ലാത്ത വാക്കുകളിലൂടെ എന്നെ അമ്പരിപ്പിക്കുകയും വിരസതകള്ക്കിടയില് ഹൃദയപൂര്വം കൈചേര്ക്കുകയും ചെയ്തു.
എവിടെയോ കണ്ടുമറയുന്ന പോലെ തോന്നുമ്പോഴും എന്നെ സമാധാനിപ്പിച്ച ... എനിക്ക് സ്വപ്നങ്ങള് തന്ന എന്റെ കൂട്ടുകാരി.. മുഖവുരയില് ഞാനും അതുപോലെതന്നെ അവളും പറഞ്ഞപ്പോള് ജന്മാന്തരങ്ങളിലെവിടേയ്ക്കോ കണ്ണുകള് ഊളിയിട്ടു.
കാണുമ്പോള് ഒന്നുചിരിച്ചും, പിന്നീട് രണ്ട് വാക്ക് മിണ്ടിയും ശേഷം നീണ്ടുനില്ക്കുന്ന സംസാരങ്ങളിലൂടെ, തര്ക്കങ്ങളിലൂടെ, പിണക്കങ്ങളിലൂടെ ഞങ്ങള് പ്രിയപ്പെട്ട കൂട്ടുകാരയി മാറുകയായിരുന്നു.!! മൂകമാകുന്ന ഓരോ സായാഹ്നത്തിലും അവള് എന്റെയും ഞാന് അവളുടെയും സൗഹൃദം ആഗ്രഹിക്കുന്നത് ഞങ്ങള് അറിഞ്ഞു. പലപ്പോഴും ഞങ്ങള് നീണ്ട തര്ക്കങ്ങള്ക്ക് തുടക്കമിട്ടു. ഞാന് പരിഹസിക്കുമ്പോഴും എന്നെ കൂടുതല് സ്നേഹിക്കുക ആയിരുന്നു.
പിന്നെ മെല്ലെ മെല്ലെ ഗൃഹാതുരത്വത്തിലേക്ക് എന്റെ വാക്കുകള് വീഴ്ത്തുമ്പോള് അസാധാരണമായ ഒരു മൌനം ഞങ്ങളില് നിറയുന്ന പോലെ തോന്നി.
അപ്പോഴൊക്കെ ആ കൂട്ടുകാരിയുടെ കൈപ്പടങ്ങളില് മൃദുവായൊന്നു തലോടി ആശ്വാസം പകര്ന്ന് കൊടുക്കുവാന് കഴിഞ്ഞിരുന്നെങ്കില് എന്ന് എന്റെ മനസ്സ് പറയുമായിരുന്നു......... എങ്കിലും എന്റെ വാക്കുകളിലൂടെ എനിക്കെന്റെ സുഹൃത്തിനെ എന്നും സമാധാനിപ്പിക്കാന് കഴിഞ്ഞു............
സ്നേഹം... അതിനോരുപാട് തലങ്ങളുണ്ട്......... ഒരിക്കലും ആര്ക്കും മുഴുവനായി അറിയാന് പറ്റാത്ത പോലെ അത് വിശാലമായി കിടക്കുന്നു.
എല്ലാവര്ക്കും നന്മകള് നേര്ന്നുകൊണ്ട്....... സസ്നേഹം....
0 comments:
Post a Comment